حكاية الدنيا

بسم الله الرحمان الرحيم
هي قصيدة في موضوع الحياة و ما نحن فيها فاعلون أتمنى ان تعجبكم و انتظر ردودكم
الصدى في الجبال حكاية *** و الفراغ جواب للمسكين
غير الهم و الحزن حداية*** و نسأل بضياعي رايح وين
الدنيا نكتة خطرة فراية *** ليفهمها ملازملو تلقين
و الدموع فيها جراية *** يوم تتبسم و عام حزين
عالدنيا نكتب رواية *** و الدموع تجري عالخدين
نتذكر رياض و المناية*** الله يرحمك يا خير الكشفيين
مكانك صبح حدراية *** جميع الرفاق ليك متشوقين
يا عبدو حكايتك سواية *** كما انت جميعنا فانيين
رحت صغير وعليك بكايا *** أنت الوحيد يا كبدة الوالدين
يا حبيبي لسؤالك مراية *** نفس السؤال في القلبين
خايف نلقى الموس موراية*** و انت مثلي خايف جرح السكين
الثقة جدود خلاوها وصاية *** و المحبة رحموا عليها السالفين
الدنيا تحسب و تجمع الزوايا*** و النتيجة شبر فيه راقدين ...
عبدوا

كالمعتاد روعة في الإبداع